நீ ஒரு நதி
மெளனமாக செல்கிறாய்
மனதில் என்னதான் நினைக்கிறாய்..?
நீ ஒரு சூரியன்
எப்பொழுதும் வெப்பத்தையே கொடுக்கிறாய்
யார் மீது கோபம்..?
நீ ஒரு நிலா
என் கூடவே வருகிறாய்
நான் உன்னை கண்டதும் விலகி செல்கிறாயே..?
நீ ஒரு விண்மீன்
நினைத்ததும் தோன்றுகிறாய்
பார்த்ததும் மறைந்து விடுகிறாயே…?
புரியாத புதிராய் இருக்கிறாய்
தெளிவாக என்னை குழப்புகிறாய்
விரைவில் விடை சொல்லடி..!
நண்பா..!
வாழ்க்கை என்னும் புத்தகத்தில்
நாம் புரட்டப் போவது சில பக்கங்களே..!
அதை நீ தெளிவாக படித்தால்
எங்கேனும் ஒரு மூலையில்
நான் இருப்பேன்.
-எனது நண்பர் (ஸ்டாலின்) எனக்கு எழுதிய வரிகள்.
அவரது நினைவுகளும் இந்த வரிகளும் என் நினைவில்.
WordPress.com வலைப்பக்கத்தில் இணைவதில் மகிழ்ச்சி அடைகிறேன்!
தமிழையும் தமிழர்களை பற்றியும் பகிர்ந்து கொள்வது எனது நீண்ட நாள் ஆவல்.
இன்று என் ஆவலுக்கு பிள்ளையார் சுழி போடுகிறேன்.
